თორნიკე ობოლაშვილი - იურისტი
თორნიკე ობოლაშვილი 2025 წლის ივნისში შეუერთდა უფლებები საქართველოს იურიდიული იურისტის პოზიციაზე, UNHCR-ის მხარდაჭერით მიმდინარე პროექტში, რომელიც საქართველოში მყოფი ლტოლვილების, თავშესაფრის მაძიებელთა და ჰუმანიტარული სტატუსის მქონე პირთა დაცვასა და გაძლიერებას ემსახურება.
მას აქვს რვა წელზე მეტი გამოცდილება საკონსტიტუციო სამართალში, რომელიც მან დააგროვა საქართველოს საკონსტიტუციო სასამართლოში, სადაც სხვადასხვა ეტაპზე მუშაობდა კონსულტანტის, უფროსი იურიდიული მრჩევლის, მოსამართლის თანაშემწისა და ბოლოს მოსამართლის უფროსი თანაშემწის პოზიციებზე.
მისი პროფესიული საქმიანობა მოიცავდა სამართლებრივი დოკუმენტების მომზადებას, შედარებით-სამართლებრივ და ნორმატიულ კვლევებს, სასამართლო პრაქტიკის ანალიზს და მოსამართლეთათვის სამართლებრივი კონსულტაციის გაწევას. კარიერის ადრეულ ეტაპზე თორნიკე მუშაობდა საპარლამენტო მონიტორად „საერთაშორისო გამჭვირვალობა – საქართველოს“ პროგრამაში.
თორნიკეს განათლება მიღებული აქვს თბილისის სახელმწიფო უნივერსიტეტში, სადაც სამართლის ბაკალავრის ხარისხი მოიპოვა.
