სამართლის უზენაესობის გაუმჯობესება და მართლმსაჯულებაზე ყველასთვის წვდომის უზრუნველყოფა - II ფაზა
1 აპრილი, 2025
პროექტის სახელწოდება: სამართლის უზენაესობის გაუმჯობესება და მართლმსაჯულებაზე ყველასთვის წვდომის უზრუნველყოფა - II ფაზა
პროექტის ხანგრძლივობა: 1 აპრილი, 2025 – 31 ივლისი, 2025
დაფინანსება: 20,000 აშშ დოლარი
პროექტის მხარდამჭერი: გაეროს განვითარების პროგრამა (UNDP), გერმანიის საგარეო საქმეთა სამინისტროს დაფინანსებით
პროექტის მიზნები: პროექტის მიზანია დაეხმაროს ოჯახური და გენდერული ძალადობის მსხვერპლებსა და სხვა მოწყვლად ჯგუფებს უფასო იურიდიული დახმარების მიღებაში. აგრეთვე, ხელი შეუწყოს საზოგადოების ცნობიერების ამაღლებას ოჯახში ძალადობისგან დაცვის სამართლებრივ საშუალებებსა და მართლმსაჯულებაზე ხელმისაწვდომობის საკითხებზე.
პროექტის ძირითადი მიმართულებები:
1. ოჯახური და გენდერული ძალადობის მსხვერპლთა სამართლებრივი მხარდაჭერა – გათვალისწინებულია უფასო იურიდიული კონსულტაციების გაწევა, საჭირო სამართლებრივი დოკუმენტაციის მომზადება და წარმომადგენლობა სამართალდამცავ და სასამართლო ორგანოებში.
2. მოწყვლადი ჯგუფებისთვის იურიდიული დახმარება – პროექტი უზრუნველყოფს სამართლებრივ კონსულტაციასა და დახმარებას იმ პირებისთვის, რომელთაც ეკონომიკური, სოციალური ან სხვა ტიპის ბარიერების გამო დამოუკიდებლად ვერ ახერხებენ მართლმსაჯულებაზე წვდომას.
3. ადამიანის უფლებებზე ცნობიერების ამაღლება – სამართლებრივი დაცვის მექანიზმების შესახებ საზოგადოების ინფორმირების მიზნით ანალიტიკური მასალების, საინფორმაციო ბარათებისა და ბლოგების მომზადება.
