„უფლებები საქართველო“ მიგრანტების დასახმარებლად ახალ პროექტს იწყებს
8 ივლისი, 2021
„უფლებები საქართველო“ მიგრანტების დასახმარებლად ახალ პროექტს იწყებს.
პროექტის ფარგლებში, „უფლებები საქართველო“ მიგრანტებს საქართველოდან გაძევება-არგაძევების საკითხებში უფასო სამართლებრივ დახმარებასა და კონსულტაციებს გაუწევს. ასევე მომზადდება სამი კვლევა, რომელიც ორიენტირებული იქნება მიგრაციის საკითხებთან დაკავშირებულ პრაქტიკასა და კანონში არსებული ხარვეზების იდენტიფიცირებასა და გადაჭრის გზებზე.
პროექტის მიზანია საქართველოში მიგრანტთა უფლებრივი მდგომარეობის გაუმჯობესება.
„უფლებები საქართველოს“ იურისტები მიგრანტებს, რომლებსაც საქართველოდან გაძევება ემუქრებათ, სრულფასოვან, კვალიფიციურ სამართლებრივ კონსულტაციასა და დახმარებას გაუწევენ.
პროექტი „გაძევებისა და არგაძევების პროცედურებში უცხოელებისათვის სამართლებრივი დახმარება და მიგრანტთა უფლებრივი მდგომარეობის საკითხების კვლევა“ საქართველოს ახალგაზრდა იურისტთა ასოციაციასა და ,,უფლებები საქართველოს“ შორის გაფორმებული საგრანტო შეთანხმების ფარგლებში, 2021 წლის 10 ივნისიდან ხორციელდება.
პროექტი დაფინანსებულია გერმანული არასამთავრობო ორგანიზაციის Brot für die Welt მიერ.
