„უფლებები საქართველოს“ დახმარებით, სომხეთის მოქალაქემ საქართველოში მუდმივი ბინადრობის ნებართვა მიიღო
10 მარტი, 2021
2021 წლის 2 თებერვალს სომხეთის მოქალაქემ იურიდიული დახმარებისთვის „უფლებები საქართველოს“ მიმართა. ბენეფიციარს სურდა საქართველოში ბინადრობის ნებართვის აღება. იურიდიული მომსახურების ფარგლებში „უფლებები საქართველოს“ იურისტმა ბენეფიციარს გაუწია კვალიფიციური იურიდიული კონსულტაცია ბინადრობის ნებართვის ასაღებად საჭირო პროცედურებისა და წარსადგენი დოკუმენტაციის თაობაზე.
ვინაიდან ბენეფიციარი საქართველოს მოქალაქესთან იმყოფება რეგისტრირებულ ქორწინებაში, „უფლებები საქართველოს“ იურისტმა მუდმივ ბინადრობის ნებართვაზე განაცხადის შევსება ურჩია.
საწყის ეტაპზე მიგრანტის განაცხადი დახარვეზდა, თუმცა მას შემდეგ, რაც „უფლებები საქართველო“ ადმინისტრაციული საქმის წარმოებაში ჩაერთო და დაეხმარა ბენეფიციარს დადგენილი ხარვეზის აღმოფხვრაში, ბენეფიციარს დაუკმაყოფილდა მოთხოვნა ბინადრობის ნებართვის გაცემაზე. შედეგად, ბენეფიციარზე გაიცა საქართველოში მუდმივი ბინადრობის ნებართვა.
სომხეთის მოქალაქეს უფასო იურიდიული მომსახურება გაეწია პროექტის - „სამართლებრივი დახმარება საქართველოში მცხოვრები მიგრანტებისთვის“ - ფარგლებში, რომელსაც „უფლებები საქართველო“ მიგრაციის საერთაშორისო ორგანიზაციის მხარდაჭერითა და ნორვეგიის საგარეო საქმეთა სამინისტროს დაფინანსებით ახორციელებს.
