ყალბი ინფორმაციის ამოცნობის საკითხზე ონლაინ ტრენინგი გაიმართა
8 ნოემბერი, 2022
„უფლებები საქართველოს“ ორგანიზებით, 8 ნოემბერს, ყალბი ინფორმაციის ამოცნობის საკითხზე ონლაინ ტრენინგი გაიმართა, რომელსაც სხვადასხვა რეგიონში მცხოვრები სტუდენტები, იურისტები და სხვა პროფესიის წარმომადგენლები დაესწრნენ.
ტრენინგს მედიამკვლევარი, ნინო ნარიმანიშვილი, უძღვებოდა. მან ისაუბრა ისეთ საკითხებზე, როგორებიცაა: ინფორმაციის მოხმარება საქართველოში, დეზინფორმაციის სახეები, სათაურების მნიშვნელობა, ფარული ვებგვერდები და მათი დღის წესრიგი, ფოტომანიპულაციები და სხვა. თეორიულ მეცადინეობასთან ერთად, ტრენინგის მონაწილეებმა პრაქტიკული სავარჯიშოებიც შეასრულეს.
მსგავსი ტრენინგი 18 ოქტომბერსაც ჩატარდა.
ყალბი ინფორმაციის ამოცნობის ტრენინგები გაიმართა პროექტის - „ულტრამემარჯვენე ჯგუფების მიერ ევროკავშირის შესახებ გავრცელებულ დეზინფორმაციულ ნარატივებთან ბრძოლა“ - ფარგლებში, რომელიც ჩეხური არასამთავრობო ორგანიზაცია People in Need-ის და ევროკავშირის მხარდაჭერით ხორციელდება.
