ეთნიკური უმცირესობების ახალგაზრდათა ჩართულობის და ინკლუზიური მმართველობის ხელშეწყობა ლაგოდეხის და ყვარლის მუნიციპალიტეტებში
17 ივლისი, 2023
პროექტის სახელწოდება: ეთნიკური უმცირესობების ახალგაზრდათა ჩართულობის და ინკლუზიური მმართველობის ხელშეწყობა ლაგოდეხის და ყვარლის მუნიციპალიტეტებში
პროექტის ხანგრძლივობა: 17 ივლისი, 2023 – 14 თებერვალი, 2024
დაფინანსება: GBP 35’000
პროექტის მხარდამჭერი: „ომისა და მშვიდობის გაშუქების ინსტიტუტი“ (IWPR) (პროექტ BREN-ის ფარგლებში)
პარტნიორები: ლელიანის ზრდასრულთა განათლების ცენტრი, ახალსოფლის ახალგაზრდული ცენტრი, კახეთის ხმა.
პროექტის მიზნები:
პროექტი ფოკუსირებულია ლაგოდეხისა და ყვარლის მუნიციპალიტეტებში მცხოვრები არადომინანტური ეთნიკური ჯგუფების ახალგაზრდების სამოქალაქო ჩართულობის ხელშეწყობაზე.
პროექტის აქტივობები დაგეგმილია სამი მიმართულებით:
- ლაგოდეხისა და ყვარლის მუნიციპალიტეტებში სამოქალაქო აქტივიზმის გაძლიერება, ახალგაზრდების (მათ შორის ეთნიკური და რელიგიური უმცირესობების) მონაწილეობის გაზრდა სამოქალაქო ცხოვრებასა და გადაწყვეტილების მიღების პროცესში;
- თვითმმართველობის წარმომადგენლების შესაძლებლობების გაძლიერება, ლაგოდეხისა და ყვარლის მუნიციპალიტეტებში ინკლუზიური პოლიტიკის დანერგვისა და განხორციელების მიზნით;
- ეთნიკური და რელიგიური დისკრიმინაციისა და ადამიანის უფლებების დარღვევის შემცირება ლაგოდეხისა და ყვარლის მუნიციპალიტეტებში, უფასო სამართლებრივი დახმარების მიწოდების გზით.
