„უფლებები საქართველომ“ სტრატეგიული სამართალწარმოების ახალი პროექტი დაიწყო
3 აგვისტო, 2022
„უფლებები საქართველომ“ ახალი პროექტი დაიწყო, რომელიც მიზნად ისახავს სექსუალური შევიწროების, ოჯახში ძალადობის და გენდერული ნიშნით მოტივირებული დანაშაულების ქალი მსხვერპლების უფლებების დაცვას და მართლმსაჯულებაზე მათი წვდომის უზრუნველყოფას სტრატეგიული სამართალწარმოების გზით.
პროექტის მხარდამჭერია USAID სამართლის უზენაესობის პროგრამა. პროექტის ფარგლებში, „უფლებები საქართველო“ იმუშავებს საერთაშორისო და საუკეთესო ევროპული გამოცდილების გათვალისწინებით, გენდერულად მგრძნობიარე, მსხვერპლის ინტერესებზე ორიენტირებული პრაქტიკის ჩამოყალიბებაზე.
პროექტი, ასევე ხელს შეუწყობს ძალადობის მსხვერპლების და ზოგადად, გოგონებისა და ქალების ცნობიერების ამაღლებას საკუთარი უფლებების შესახებ.
