ჭიათურის მუნიციპალიტეტის სოფლებში საინფორმაციო შეხვედრები გაიმართა
19 ივლისი, 2022
19 ივლისს, „უფლებები საქართველოს“ ჭიათურის სამართლებრივი დახმარების ცენტრის იურისტებმა, თამარ ჯოხაძემ და ეკა ცუცქირიძემ, სოფლების - სვერისა და გეზრულის - ადგილობრივ მოსახლეობასთან საინფორმაციო შეხვედრები გამართეს.
„უფლებები საქართველოს“ იურისტმა შეხვედრების მონაწილეებს ჭიათურის სამართლებრივი დახმარების ცენტრის საქმიანობა და უფასო იურიდიული დახმარებით სარგებლობის პირობები გააცნეს. გარდა ამისა, მსურველებმა ადგილზე მიიღეს იურიდიული კონსულტაცია სხვადასხვა სამართლებრივ საკითხზე.
შეხვედრა გაიმართა პროექტის „გენდერული და ოჯახში ძალადობის მსხვერპლთა მხარდაჭერა“ ფარგლებში, რომელიც ხორციელდება „უფლებები საქართველოს“ და კიდევ ოთხი არასამთავრობო ორგანიზაციის მიერ, ევროკავშირისა და ASB საქართველოს მხარდაჭერით.
