რა უნდა ვიცოდეთ ე.წ. კარტოგრაფების საქმის შესახებ
22 დეკემბერი, 2020
თბილისის საქალაქო სასამართლო ბოლო დროის ერთ-ერთი ყველაზე გახმაურებული, ე.წ. კარტოგრაფების საქმის განხილვას 2021 წლის იანვარში განაახლებს.
2020 წლის ბოლოს, ჩვენ კიდევ ერთხელ გვინდა შევახსენოთ საზოგადოებას აღნიშნული საქმის საკვანძო დეტალები, რომლებიც პატიმრობაში მყოფი ორი მეცნიერის - ნატალია ილიჩოვას და ივერი მელაშვილის უდანაშაულობას ადასტურებს.
რა უნდა ვიცოდეთ კარტოგრაფების საქმის შესახებ?
ძირითადი ფაქტები (ჩამოტვირთეთ)
გავრცელებული ტყუილები (ჩამოტვირთეთ)
შეგახსენებთ, რომ საქართველოს პროკურატურამ, 2020 წლის 7 ოქტომბერს, ექსპერტ-კარტოგრაფები - ნატალია ილიჩოვა და ივერი მელაშვილი დააკავა ბრალდებით, რომ მათ, როგორც საქართველო-აზერბაიჯანის საზღვრის დელიმიტაცია-დემარკაციის კომისიის საექსპერტო ჯგუფის წევრებმა, 2005-2007 წლებში მეზობელი ქვეყნისათვის საქართველოს ტერიტორიის ნაწილის გადაცემისკენ მიმართული ქმედება ჩაიდინეს.
ორივე ბრალდებული დღემდე წინასწარ პატიმრობაში იმყოფება.
ე.წ. კარტოგრაფების საქმეში "უფლებები საქართველოს" იურისტი, გიორგი მახარაძე, ნატალია ილიჩოვას ინტერესებს იცავს.
