ვაკანსია: პროექტების კოორდინატორი

10 October, 2023

ა(ა)იპ  ,,უფლებები საქართველო“ აცხადებს კონკურსს პროექტების კოორდინატორის პოზიციაზე. 

სამუშაოს დაწყების დრო: 6 ნოემბერი, 2023
სამუშაოს განაკვეთი: სრული განაკვეთი 
ანაზღაურება: 2000-3700 ლარი (დარიცხული ხელფასი, საიდანაც გამოიქვითება კანონმდებლობით გათვალისწინებული გადასახადები). ანაზღაურება დამოკიდებულია პროექტების რაოდენობასა და ხანგრძლივობაზე.

სამუშაოს აღწერილობა:

-    თითოეული პროექტული აქტივობის განხორციელებისთვის სტრატეგიების განსაზღვრა და მათი შესრულების ხელშეწყობა/მონიტორინგი;
-    სისხლის, სამოქალაქო და ადმინისტრაციული საქმეების შერჩევის, სამართალწარმოების, მონიტორინგისა და სამართლებრივი დახმარების კრიტერიუმების შერჩევაში/განსაზღვრაში მონაწილეობა; 
-    პროექტის მიზნებისთვის საერთო მოქმედებების კოორდინაცია პროექტის დირექტორის ზედამხედველობით;
-    პროექტის ადვოკატების საქმიანობაზე ზედამხედველობა;
-    სტრატეგიული სამართალწარმოების მიდგომების შემუშავებაში მონაწილეობა და სტრატეგიული სამართალწარმოების პროგრესის ზედამხედველობა;
-    პროექტის ადვოკატებთან ერთად ბენეფიციარების ინტერესების დაცვის მიზნით სტრატეგიებისა და სამოქმედო გეგმების შემუშავება;
-    მონაცემთა და დასკვნების შეგროვების, ანალიზისა და წარმოდგენის შესაბამისი მექანიზმების ჩამოყალიბებაზე მუშაობა;
-    პროექტის შინაარსობრივი ანგარიშების მომზადება და წარდგენა;
-    სამუშაო შეხვედრების დაორგანიზება და ფასილიტაცია;
-    დაინტერესებულ მხარეებთან, პროექტის პარტნიორებთან, არასამთავრობო და საერთაშორისო ორგანიზაციებთან თანამშრომლობა;
-    პროექტის მედია პროდუქტების შემუშავების ზედამხედველობა; 
-    ანალიტიკური დოკუმენტის მომზადებაში მონაწილეობა და პროცესის ზედამხედველობა; 
-    პროექტის და ორგანიზაციის მიზნებისათვის, ორგანიზაციის დირექტორის  დავალებით, სხვა საქმიანობების შესრულება.

საკვალიფიკაციო მოთხოვნები:

-    უმაღლესი განათლება, მაგისტრის ხარისხი (უმაღლესი იურიდიული განათლება; მაგისტრის ხარისხი ადამიანის უფლებათა საერთაშორისო სამართლის, ან საჯარო სამართლის მიმართულებით ჩაითვლება უპირატესობად);
-    ადამიანის უფლებების ან საჯარო სამართლის მიმართულებით  მუშაობის მინიმუმ ორი წლის გამოცდილება; სასურველია გენდერის, ქალთა უფლებების, ქალთა მიმართა ძალადობის და დისკრიმინაციიის საკითხებზე მუშაობის გამოცდილება; 
-    მენეჯერულ პოზიციაზე ან/და პროექტის ხელმძღვანელად მუშაობის მინიმუმ ორი წლის გამოცდილება; 
-    ინგლისური ენის ფლობა (მინიმუმ B2 დონე). რუსული ენის ცოდნა ჩაითვლება უპირატესობად;
-    საოფისე კომპიუტერული პროგრამების ცოდნა;
-    სამართალწარმოების გამოცდილება ეროვნულ სასამართლოებში ან/და საერთაშორისო ორგანოების წინაშე ჩაითვლება პრიორიტეტად;
-    სრულყოფილი კომუნიკაცია ქართულ და ინგლისურ ენებზე; 
-    სამუშაოს შესრულების მაღალი მოტივაცია და პასუხისმგებლობა;
-    გუნდური მუშაობა, თანამშრომლობა და მაღალი სამუშაო ეთიკა;
-    შემჭიდროებულ ვადებსა და აქტიურ რეჟიმში სამუშაოს სრულყოფილად შესრულება.

საკონკურსო ეტაპები:

-    წარმოდგენილი განაცხადების გადარჩევა;
-    წერითი დავალების შესრულება ინგლისურ ენაზე;
-    გასაუბრება.

გამოცხადებულ პოზიციაზე მომართვის მსურველებმა უნდა წარმოადგინონ:

-    რეზიუმე (CV) ქართულ ენაზე ;
-    სამოტივაციო წერილი ქართულ ენაზე;
-    ინგლისური ენის (მოთხოვნილი დონის) ცოდნის დამადასტურებელი სერტიფიკატი ან ინგლისურენოვანი საბაკალავრო ან/და სამაგისტრო პროგრამის დიპლომი;
-    ორი რეკომენდატორის მონაცემები.

გამოცხადებულ პოზიციაზე მომართვის მსურველებმა მოთხოვნილი დოკუმენტები უნდა წარმოადგინონ 2023 წლის 22 ოქტომბრის 23:59 საათამდე შემდეგ ელექტრონულ ფოსტაზე: rightsgeorgia@gmail.com.

სავალდებულოა მეილის დასახელებაში მიეთითოს ის პოზიცია, რომელზეც შემოგაქვთ განაცხადი. 

არასრულყოფილად წარმოდგენილი განაცხადები განხილული არ იქნება.