„უფლებები საქართველომ“ შეკრებებისა და მანიფესტაციების თავისუფლების დაცვაზე ახალი პროექტის განხორციელება დაიწყო
22 მარტი, 2021
2021 წლის 1 მარტიდან უფლებები საქართველომ დაიწყო პროექტის „მშვიდობიანი შეკრებისა და მანიფესტაციის თავისუფლების დაცვის ხელშეწყობა საქართველოში“განხორციელება.
პროექტი მიზნად ისახავს:
• შეკრება-მანიფესტაციების მარეგულირებელი საკანონმდებლო ჩარჩოს გაუმჯობესებას, ადამიანის უფლებათა ევროპული კონვენციითა და გაეროს სამოქალაქო და პოლიტიკური უფლებების პაქტით ხელშემკვრელი სახელმწიფოებისთვის ნაკისრი პოზიტიური ვალდებულებების ჭრილში;
• LGBTQ თემის წევრების, ჟურნალისტების, სამოქალაქო აქტივისტების, უფლებადამცველების და ზოგადად მშვიდობიანი მანიფესტანტების სამართლებრივ მხარდაჭერას, მათ შორის მათი ინტერესების წარმომადგენლობას ეროვნული სასამართლოებისა და ადმინისტრაციული ორგანოების წინაშე;
• მოსახლეობის ცნობიერების ამაღლებას მანიფესტანტების უფლება-მოვალეობებისა და სახელმწიფოსთვის ნაკისრი პოზიტიური ვალდებულებების შესახებ.
პროექტი ხორციელდება საქართველოს ჟურნალისტური ეთიკის ქარტიასთან თანამშრომლობით ადამიანის უფლებათა სახლების ფონდის და ევროკავშირის ფინანსური მხარდაჭერით.
